Ialuset Plus krem ka si përbërës aktiv acidin hialuronik (kripë natriumi) dhe sulfadiazinën e argjendit.
Acidi hialuronik është përbërësi kryesor i dermës (lëkurës).
Falë fuqisë së tij higroskopike, në prani të lezioneve të lëkurës, ndihmon në ruajtjen e shkallës së duhur të hidratimit.
Vepron si ndihmës në proçeset e rigjenerimit të indeve, duke krijuar një mikromjedis të favorshëm për shërim dhe riepitelizim.
Sulfadiazina e argjendit ka veprim anti-bakterial, kryesisht te bakteret Gram (-).

Ialuset Plus indikohet në trajtimin e plagëve dhe djegieve të infektuara, sëmundjeve dermatologjike me origjinë bakteriale ose të predispozuara për zhvillimin e infeksioneve dytësore.

Kundërindikimet
– Mos përdorni Ialuset Plus krem nëse keni mbindjeshmëri ndaj sulfonamideve.
– Mos përdorni Ialuset Plus krem nëse keni alergji ndaj njërit prej përbërësve.
– Për shkak të të dhënave të pamjaftueshme, përdorimi i Ialuset Plus nuk rekomandohet tek fëmijët nën dy vjeç.

Të përdoret deri në 6 muaj mbas hapjes.

Përpara përdorimit të këtij bari lexoni me kujdes fletëudhëzuesin e pranishëm në paketim, pasi ai përmban një informacion më të detajuar.
Për çdo paqartësi këshillohuni me mjekun ose farmacistin tuaj.