Flonidan përmban si lëndë aktive loratadinën, e cila i përket një klase barnash të njohura si antihistaminikë.
Flonidan përdoret në lehtësimin dhe parandalimin e:

-simptomave të shkaktuara gjatë rinitit alergjik;
-simptomave të shkaktuara nga inflamacioni alergjik i konjuktivës së syrit, i shoqëruar me lotim, kruarje, skuqje dhe enjtje;
-simptomave të urtikaries dhe reaksioneve të tjera alergjike të lëkurës.
Mos përdorni Flonidan:

-nëse jeni alergjikë nga loratadina apo ndonjëri prej përbërësve të tjerë të pranishëm në formulim.
Flisni me mjekun tuaj përpara se të përdorni Flonidan nëse:

-keni dëmtim të funksionit të mëlçisë ose veshkave;
-gjendja juaj pas përdorimit të Flonidan nuk përmirësohet ose përkeqësohet.
Pacientët që do i nënshtrohen testeve të lëkurës, duhet të ndërpresin përdorimin e Flonidan të paktën dy ditë para çdo proçedure.
Shtatzënia dhe ushqyerja me gjiNuk është përcaktuar siguria e loratadinës gjatë shtatzënisë, prandaj përdorimi i Flonidan nuk rekomandohet gjatë shtatzënisë.
Loratadina ekskretohet (eleminohet) në qumështin e gjirit, prandaj përdorimi i Flonidan gjatë ushqyerjes me gji nuk rekomandohet.
Si të gjithë barnat dhe Flonidan ka efekte anësore dhe pse jo çdo individ mund të preket prej tyre.
Ndër efektet anësore më të zakonshme përmendim:

-përgjumje;
-pagjumësi;
-dhimbje koke;
-nervozizëm;
-lodhje.
Ky është një medikament OTC, kështu që mund të merret pa rekomandimin e mjekut.
Përpara se të përdorni këtë medikament, lexoni me kujdes fletë-udhëzuesin që gjendet në paketim pasi përmban informacion më të detajuar.
Për çdo paqartësi konsultohuni me mjekun ose farmacistin tuaj.