Supofeni përmban paracetamol, një substancë me veti analgjezike dhe antipiretike.
Supofen përdoret:
-Në trajtimin simptomatik të sindromave të ngjashme me gripin dhe ftohjen;
-Në trajtimin e dhimbjeve të lehta deri në mesatare;
-Në trajtimin e temperaturës që zgjat më pak se 3 ditë.

Mos përdorni Supofen:
-nëse jeni alergjik ndaj paracetamolit ose ndonjërit prej përbërësve të tjerë të këtij formulimi.
-nëse keni insuficiencë të rëndë hepatike.
-nëse keni mungesë të glukozës-6-fosfatit.

Shtatzënia dhe ushqyerja me gji
Pyesni mjekun ose farmacistin tuaj për këshilla përpara se të merrni ndonjë medikament.
Edhe pse administrimi i paracetamolit në gratë shtatzëna nuk tregoi efekte të padëshiruara në shtatzëni ose në shëndetin e fetusit/të porsalindurit dhe se në kushte normale mund të përdoret gjatë shtatzënisë, lidhja përfitim-rrezik duhet të vlerësohet gjithmonë përpara përdorimit.
Paracetamoli kalon në qumështin e gjirit. Deri më tani, asnjë pasojë negative e njohur nuk ka ndodhur tek foshnjat.

Efekte anësore të mundshme
Supofeni zakonisht tolerohet mirë në doza terapeutike, megjithatë shpesh mund të shfaqen të përzjera (nauzea) ose të vjella ose përgjumje e lehtë ose nervozizëm. Rrallëherë mund të vërehen reaksione alergjike në lëkurë (kruajtje, njolla dhe inflamacione).
Shumë rrallë mund të ndodhin ndryshime të lidhura me sistemin e gjakut dhe sistemin limfatik.
Në pacientët e predispozuar mund të shfaqen bronkospazma.
Nëse ndonjë nga këto efekte anësore bëhet serioz ose nëse vëreni ndonjë efekt anësor që nuk përmendet në fletëudhëzues, ju lutemi njoftoni mjekun ose farmacistin tuaj.

Ky është një medikament OTC, që mund të merret pa rekomandimin e mjekut.
Përpara se të përdorni këtë medikament, lexoni me kujdes fletë-udhëzuesin që gjendet brenda në paketim pasi përmban informacion më të detajuar.
Për çdo paqartësi konsultohuni me mjekun ose farmacistin tuaj.