Përbërësi aktiv i këtij preparati është hidrokloruri i benzidaminës, një substancë me efekt të lehtë anestezik, me veti anti-inflamatore, frenuese të dhimbjes dhe dezinfektues.
Produkti indikohet:
-për trajtimin e inflamacionit në zgavrën e gojës dhe të fytit të shoqëruara me dhimbje (si p.sh. aftet, inflamacion i nazo-faringut, inflamacion i mukozës në zgavrën e gojës, inflamacion i mishrave të dhëmbëve);
-si terapi mbështetëse pas ndërhyrjeve dentare dhe operacioneve në kavitetin oral ose në fyt, nëse rekomandohet nga mjeku.

Tantum Verde Spray 0.15% është i formuluar që të përdoret nga pacientë të rritur dhe fëmijë mbi 6 vjeç. Produkti është veçanërisht i përshtatshëm për ata pacientë që kanë vështirësi për të bërë gargarë.
Ju duhet të flisni me një mjek nëse nuk ndiheni më mirë ose nëse ndiheni më keq pas 7 ditësh trajtimi.

Mos përdorni Tantum Verde Spray 0.15% nëse jeni alergjik ndaj substancës aktive ose ndonjë prej përbërësve të tjerë të pranishëm në formulim.

Paralajmërimet dhe masat paraprake
Përdorimi afatgjatë i produktit mund të çojë në zhvillimin e mbindjeshmërisë dhe për këtë arsye rekomandohet që produkti të përdoret vetëm për aq kohë sa nevojitet për trajtim. Në rast të mbindjeshmërisë, ndërpriteni trajtimin.
Inflamacioni i mishrave të dhëmbëve mund të jetë një simptomë e çrregullimit dentar dhe kështu një vizitë tek dentisti mund të jetë e dobishme në rast të mungesës së efektit të produktit.

Shtatzënia, ushqyerja me gji dhe fertiliteti
Nëse jeni shtatzënë ose ushqeni me gji, mendoni se mund të jeni shtatzënë ose po planifikoni të keni një fëmijë, këshillohuni me mjekun ose farmacistin tuaj përpara se të merrni këtë medikament.
Produkti mund të përdoret gjatë shtatzënisë vetëm kur mjeku e gjykon të arsyeshëm përdorimin e tij.
Kalimi i hidroklorurit të benzidaminës në qumështin e gjirit nuk mund të përjashtohet, kështu që produkti nuk duhet të përdoret gjatë ushqyerjes me gji.

Medikamenti i mësipërm është një bar OTC, pra mund të merret pa rekomandim nga mjeku.
Përpara përdorimit të këtij medikamenti lexoni me kujdes fletëudhëzuesin e pranishëm në paketim, pasi ai përmban një informacion më të detajuar.
Për çdo paqartësi këshillohuni me mjekun ose farmacistin tuaj.